ຜູ້ໃດມີໃຈກຸສົນ ຢາກຊ່ວຍເຫຼືອເດັກນ້ອຍນັກຮຽນ ໃນເຂດທີ່ຕ້ອງການຄວາມຊ່ວຍເຫຼືອ ແຕ່ຍັງບໍ່ມີໂອກາດ, ທ່ານມີໂອກາດແລ້ວ!
ການອາສາສະໝັກ ເພື່ອຊ່ວຍໃຫ້ເດັກນ້ອຍນັກຮຽນ ໃນເຂດຊົນນະບົດ ແລະ ເຂດທີ່ຕ້ອງການຄວາມຊ່ວຍເຫຼືອ ໄດ້ມີໂອກາດ ແລະ ສາພາບແວດລ້ອມກັບການຮຽນ ທີ່ດີ ແລະ ປອດໄພຂຶ້ນ ບໍ່ແມ່ນແຕ່ຈະໄດ້ບຸນທັນຕາເຫັນ ແລະ ບໍ່ແມ່ນແຕ່ເປັນການປະກອບສ່ວນ ໃນສັງຄົມ ທີ່ດີ ແລະ ມີຄວາມໝາຍ, ມັນຍັງເປັນການສະສົມປະສົບການທີ່ດີ ສໍາລັບບາດກ້າວເຂົ້າສູ່ການເຮັດວຽກເປັນມືອາຊີບ ແລະ ເພີ່ມໂອກາດໃຫ້ຄົນເອງ ກັບການໄດ້ວຽກເຮັດທີ່ດີ.
ເຮົາຍັງມີອີກ 1 ຕໍາແໜ່ງເຫຼືອ ສໍາລັບອາສາສະໝັກເພດຍິງ ກັບໂຄງການຊ່ວຍເຫຼືອໂຮງຮຽນ ປະຖົມ ທ່າກົກໄຮ່ ທີ່ເມືອງ ປາກງື່ມ. ທ່ານໃດສົນໃຈ ແລະ ມີຄຸນນະພາບສ່ວນຕົວ ດັ່ງລຸ່ມນີ້ ເຮົາຢາກໄດ້ທ່ານ ມາເປັນສ່ວນໜຶ່ງຂອງທີມງານຂອງພວກເຮົາ:
- ເພດຍິງ ອາຍຸລະຫວ່າງ 20 – 30 ປີມ, ຈົບ ມ. 7 ຢ່າງຕໍ່າ (ມີປະຣິນຍາຕີ ຍິ່ງດີ)
- ມີຄວາມລະອຽດ ກັບຂໍ້ມູນ
- ເປັນຜຸ້ທີ່ມີຄວາມສາມາດ ດ້ານການສື່ສານ (ຂຽນ, ອ່ານ, ເວົ້າຈາ) ແລະ ມະນຸດສໍາພັນ ທີ່ດີ
- ບໍ່ຢ້ານກ້ອງ — ສາມາດສໍາພາດ, ສົນທະນາ ຫຼື ປະຕິບັດໜ້າທີ່ອື່ນໆ ຕໍ່ໜ້າກ້ອງໄດ້ຕາມປົກກະຕິ
- ຢາກຮຽນຮູ້ ແລະ ສາມາດຮຽນຮູ້ໄດ້ໄວ ກ່ຽວກັບການບໍລິຫານ, ການໃຊ້ກ້ອງ ແລະ ຄັອມພິວເຕີ
- ບໍ່ຢ້ານທີ່ຈະເປັນຜູ້ນໍາພາ ຜູ້ທີ່ມີອາຍຸສູງກວ່າ
ທ່ານໃດສົນໃຈ ກະລຸນາສົ່ງຂໍ້ຄວາມສະແດງຕວາມສົນໃຈ ແລະ ອາຊີວະປະຫວັດໄດ້ທີ່ info@intergro-inc.com ຫຼື +856 20 99 962 832. ເລີ່ມດຽວນີ້ ເຖິງ 6 ຕຸລາ 2023. ທ່ານໃດສະໝັກກ່ອນ ມີໂອກາດ ໄດ້ຖືກເລືອກເຂົ້າຮ່ວມທີມງານ ຫຼາຍກວ່າຜູ້ສະໝັກນໍາຫຼັງ.