ຕາມຂ່າວຈາກ ໂຕກຽວ,ວັນທີ 31 ພຶດສະພາ ນີ້ີ້ (https://www.infoquest.co.th/2022/204420), ລັດຖະສະພາ ຍີ່ປຸ່ນ ປະກາດ ໃຊ້ງົບປະມານລາຍຈ່າຍພິເສດ ເພີ່ມຂຶ້ນອີກ 2.7 ພັນຕື້ເຢນ ໃນປີ ງົບປະມານ 2022 ເພື່ອຮັບມືກັບລາຄາອາຫານ ແລະ ນ້ຳມັນເຊື້ອໄພປັບຕົວ ເພີ່ມສູງຂຶ້ນຢ່າງຕໍ່ເນື່ອງ ໃນສະພາບການໂລກພວມຮ້ອນແຮງຈາກສົງຄາມ ຫລັງຈາກ ຜ່ານການຕົກລົງເຫັນດີ ງົບປະມານລາຍຈ່າຍເພີ່ມຕື່ມ ດ້ວຍສຽງສ່ວນໃຫຍ່ ໃນວັນທີ 31 ພຶດສະພານີ້ີ້ ໂດຍລັດຖະບານຍີ່ປຸ່ນ ຈະນຳ ງົບປະມານປີນີ້ ທີ່ເລີ່ມຕັ້ງແຕ່ ວັນທີ 1 ເມສາ ມາໃຊ້ສະໜັບສະໜູນມາດຕະການກະຕຸ້ນເສດຖະກິດສຸກເສີນມູນຄ່າ 6.2 ພັນຕື້ເຢນ ທີ່ຮ່າງຂຶ້ນ ເມື່ອທ້າຍ ເດືອນເມສາ ເພີ່ມຕື່ມອີກ 1.2 ພັນຕື້ເຢນ ໄປຕໍ່ອາຍຸໂຄງການອຸດໜູນ ລາຄານ້ຳມັນທີ່ຈະສິ້ນສຸດ ໃນເດືອນ ກັນຍາ ແລະ ອີກປະມານ 1.5 ພັນຕື້ເຢນ ໄປຊົດເຊີຍ ງົບປະມານສຳຮອງທີ່ນຳມາໃຊ້ດຳເນີນມາດຕະການຫລຸດຜ່ອນຄວາມທຸກຍາກຂອງປະຊາຊົນ ເຊັ່ນ: ການແຈກຢາຍເງິນ ໃຫ້ຄອບຄົວ ລາຍໄດ້ໜ້ອຍທີ່ມີລູກນ້ອຍງົບປະມານທັງໝົດ ຈະໄດ້ມາຈາກການອອກພັນທະບັດ ລັດຖະບານ.
ກ່ອນໜ້ານີ້ີ້ ລັດຖະບານ ຍີ່ປຸ່ນ ຕັ້ງງົບປະມານ ປີນີ້ ໄວ້ສູງ ເປັນປະຫວັດສາດ 107,60 ພັນຕື້ເຢນ ໃນນີ້ ເປັນງົບປະມານ ສໍາຮອງ 5.5 ພັນຕື້ເຢນ ສຳລັບຮັບມື ໂຄວິດ-19 ແລະ ມາດຕະການສຸກເສີນອື່ນໆ.
ຮຽບຮຽງຂ່າວໂດຍ: ສະໄຫວ ລາດປາກດີ