ພິທີເປີດ ການແຂ່ງຂັນ ເຕະບານ ຊີງຂັນໂລກ ກາຕາ ປີ 2022 ຫຼື “FIFA World Cup Qatar 2022” ໄດ້ຈັດຂຶ້ນ ຢ່າງຍິງໃຫຍ່ ໃນວັນທີ 20 ພະຈິກນີ້ ຢູ່ນະຄອນຫລວງ ໂດຮາ ຂອງປະເທດ ກາຕາ ໂດຍມີ ການສະແດງ ສິນລະປະ ຂອງອ່າວເປີເຊຍ ຈາກສິລະປິນ ໂດຍທີ່ມີ “ຈອງກຸກ” ສະມາຊິກໜຸ່ມສຸດຂອງວົງ BTS ມາຮ່ວມຮ້ອງເພງກັບນັກຮ້ອງຊື່ດັງ “ຟາຮັດ ອັລ ຄູໄບຊີ” ຂອງເຈົ້າພາບ. ແລະ ນັກຮ້ອງດັງ ຈາກ 5 ທະວີບ ຮ່ວມກັນ ຮ້ອງເພງ ພິທີເປີດ ການແຂ່ງຂັນ ເຕະບານໂລກ ຢ່າງຄຶກຄື້ນ ແລະ ໂຄສະນາ ເຜີຍແຜ່ອີກ ຫລາຍເພງ .
ການແຂ່ງຂັນເຕະບານໂລກ 2022 ຫຼື “FIFA World Cup Qatar 2022” ໄດ້ເປີດຂຶ້ນຢ່າງເປັນທາງການແລ້ວຕັ້ງແຕ່ວັນທີ 20 ພະຈິກ ໄປຈົນຮອດວັນທີ 18 ທັນວາ ເຊິ່ງເປັນການແຂ່ງຂັນວັນສຸດທ້າຍໃນນັດຊີງຊະນະເລີດນັ້ນເອງ.
ສຳລັບ ການແຂ່ງຂັນ ໃນຄັ້ງນີ້ ມີທັງໝົດ 32 ທີມ ຈາກທົ່ວໂລກ ທີ່ຜ່ານເຂົ້າຮອບ ຄັດເລືອກ ຊຶ່ງຮອບທຳອິດ ຂອງການ ແຂ່ງ ຂັນ ແມ່ນທີມຊາດ ກາຕາ ທີ່ເປັນເຈົ້າ ພາບ ພົບກັບ ທີມຊາດ ເອກວາດໍ ເປັນມື້ ເປີດສະໜາມ ການແຂ່ງຂັນ ຢ່າງເປັນທາງການ.
ເຊິ່ງຜົນການແຂ່ງຂັນ ປາກົດວ່າເຈົ້າພາບ ກາຕາ ເສຍໃຫ້ ເອກວາດໍ ໄປ 0-2 ປະຕູ.
