ຕາມແຫລ່ງຂ່າວ ຈາກ ຣັດເຊຍ, ວັນທີ 23 ຕຸລານີ້, ອົງການ ອາວະກາດ ໂຣສກົສໂມສ (Roskosmos) ຂອງ ຣັດເຊຍ ໄດ້ຍິງຈະຫລວດ ສົ່ງດາວທຽມ ສື່ສານ ຂຶ້ນສູ່ ວົງໂຄຈອນໂລກ ໂດຍໃຊ້ ນ້ຳມັນເຊື້ອໄຟ ທີ່ເປັນມິດ ກັບສິ່ງ ແວດລ້ອມ ທັງໝົດ ເຊິ່ງເປັນ ດາວທຽມ Skift-D ເພື່ອເສີມ ຂະຫຍາຍ ການ ເຂົ້າເຖິງ ອິນເຕີເນັດ ຄວາມໄວສູງ ແລະ ດາວທຽມ Gonets-M ສໍາລັບ ການ ສື່ສານ ໂທລະສັບມືຖື ທີ່ຜ່ານດາວ ທຽມ. ການສົ່ງດາວທຽມ ຂຶ້ນສູ່ ວົງໂຄ ຈອນ ຂອງໂລກ ໃນຄັ້ງນີ້ ເປັນຄັ້ງທຳອິດ ທີ່ໃຊ້ ຈະຫລວດ ຂົນສົ່ງ Soyuz-2 ໂດຍໃຊ້ນໍ້າມັນເຊື້ອໄຟແບບໃໝ່ ທີ່ເປັນມິດ ກັບສິ່ງແວດລ້ອມ.
( ຮຽບຮຽງຂ່າວໂດຍ: ສະໄຫວ ລາດປາກດີ)