ໃນໄວເຮັດວຽກ ຫຼາຍຄົນມັກເພີນໄປກັບການເຮັດວຽກ ຈົນລືມກິດຈະກຳທາງກາຍ ເພາະຄິດວ່າ ເຮັດມື້ໃດກໍໄດ້ ຊຶ່ງເປັນຄວາມເຂົ້າໃຈຜິດ ເນື່ອງຈາກຮ່າງກາຍຕ້ອງການໃຫ້ມີການເຄື່ອນໄຫວ. ອາການຕໍ່ໄປນີ້ ເປັນສິ່ງບົ່ງບອກວ່າ ພະຍາດກຳລັງຈະຖາມຫາ.
- ຫິວນອນໃນຂະນະເຮັດວຽກ ແຕ່ເມື່ອເຖິງເວລານອນ ພັດນອນບໍ່ຫຼັບ.
- ອ່ອນເພຍງ່າຍ.
- ຫງຸດຫງິດ, ໃຈຮ້າຍ, ວິຕົກກັງວົນ, ອາລົມບໍ່ດີ, ສັບສົນທາງຄວາມຄິດ ແລະ ລຽງລຳດັບວຽກບໍ່ໄດ້.
- ເບື່ອໜ່າຍສິ່ງແວດລ້ອມອ້ອມໂຕ.
- ໜ້າທ້ອງຍື່ນ, ແອວໃຫຍ່ຂຶ້ນ.
- ບໍ່ສາມາດຢືນຊື່ ແລະ ກົ້ມຫົວລົງໃຫ້ປາຍນິ້ວແຕະພື້ນໄດ້ ຫຼື ເມື່ອນອນຫງາຍ ບໍ່ສາມາດລຸກຂຶ້ນນັ່ງໄດ້.
- ເມື່ອນັ່ງໂຕຊື່ ຢຽດຂາຕຶງໄປທາງໜ້າ ບໍ່ສາມາດເນີ້ງໂຕໄປໃຫ້ປາຍນິ້ວມືແຕະເຖິງປາຍຕີນໄດ້.
- ຄວາມດັນເລືອດ, ໄຂມັນ ຫຼື ລະດັບນໍ້າຕານໃນເລືອດສູງ.
- ໄດ້ຍິນສຽງດັງ ແລະ ຮູ້ສຶກໄດ້ວ່າ ຂໍ້ຕໍ່ສ່ວນຕ່າງໆຢຶດຕິດຂັດ.
- ເຈັບປ່ວຍງ່າຍ
- ນໍ້າໜັກໂຕເກີນປົກກະຕິຕັ້ງແຕ່ 10 ກິໂລ
ສະນັ້ນ ທາງທີ່ດີ ທ່ານຕ້ອງໝັ່ນລຸກຂຶ້ນ, ເຄື່ອນໄຫວຮ່າງກາຍ, ເພີ່ມການເຮັດກິດຈະກຳທາງກາຍໃຫ້ຫຼາຍຂຶ້ນ. ການມີກິດຈະກຳທາງກາຍບໍ່ວ່າຈະເບົາ ຫຼື ໜັກ ລ້ວນແຕ່ມີປະໂຫຍດ. ນອກຈາກຈະເຮັດໃຫ້ຮ່າງກາຍແຂງແຮງ, ຕ້ານທານໂຣກໄພໄຂ້ເຈັບທີ່ຈະແຊກຊ້ອນແລ້ວ ຍັງຊ່ວຍໃຫ້ການຫຼຸດພຸງໄປໃນໂຕ.