ແຫລ່ງຂ່າວຈາກ ແຂວງສາລະວັນ ໃຫ້ຮູ້ວ່າ: ເມືອງສາລະວັນ ປະກາດ 16 ບ້ານເປັນບ້ານສາທາລະນະສຸກແບບຢ່າງ ແລະ ຢຸດຕິການຖ່າຍຊະຊາຍ ໃນວັນທີ 24 ເມສາ 2023 ໂດຍມີ ທ່ານ ໜູຄໍາ ສີສະຫວັດ ຮອງເຈົ້າເມືອງສາລະວັນ, ຜູ້ຊີ້ນໍາວຽກງານວັດທະນະທໍາ-ສັງຄົມ, ທ່ານ ວົງດາວ ສຸລິນທາ ຮອງຫົວໜ້າພະແນກສາທາລະນະສຸກແຂວງ, ທ່ານ ເພັງພະຈັນ ພົນອາສາ ຜູ້ບໍລິຫານ ອົງການແພລນສາກົນປະຈໍາ ແຂວງສາລະວັນ, ມີອໍານາດການປົກຄອງບ້ານ, ພໍ່ແມ່ປະຊາຊົນ 16 ບ້ານເຂົ້າຮ່ວມ.
ໃນພິທີ, ທ່ານ ແສງເດືອນ ເມືອງຈັນ ໄດ້ລາຍງານຜົນການຈັດຕັ້ງປະຕິບັດມາດຖານເງື່ອນໄຂການສ້າງບ້ານສາທາລະນະສຸກແບບຢ່າງ ແລະ ຢຸດຕິການຖ່າຍຊະຊາຍໃນ 16 ບ້ານຄື: ບ້ານທາດຫ້ວຍ, ນາທູນໃຫຍ່, ບ້ານພ້າວ, ດອນຂາວ, ນາໄຊໃຫຍ່, ແສນວັງນ້ອຍ, ໂຄກເກົ່າ, ໝາກນາວນ້ອຍ, ໜອງ ໝາກຢາງ, ຕົ້ງສີວິໄລ, ວັງງົວ, ແກ້ງຂຸມ, ຕົ້ງໃຫຍ່, ແກ້ງເປາະ, ທົ່ງນາຫລວງ ແລະ ບ້ານນາພະຍີ່ ໂດຍໄດ້ຮັບການຊີ້ນໍາໆພາຈາກຂັ້ນເທິງຢ່າງໃກ້ຊິດ ແລະ ຕໍ່ເນື່ອງ, ປະຊາຊົນໃຫ້ຄວາມຮ່ວມມືເປັນຢ່າງດີ, ທີມງານຄະນະກໍາມະການຊຸມຊົນເປັນເຈົ້າການດ້ານສຸຂະອະນາໄມ(ຊຈສ) ຂັ້ນເມືອງ ໄດ້ເອົາໃຈໃສ່ປຸກ ລະດົມ ກະຕຸກຊຸກຍູ້, ພ້ອມທັງລົງຕິດຕາມຢ່າງໃກ້ຊິດ ຈຶ່ງສາມາດປະກາດ 16 ບ້ານດັ່ງກ່າວ ເປັນບ້ານສາທາລະນະສຸກແບບຢ່າງ ແລະ ຢຸດຕິການຖ່າຍຊະຊາຍ ເຊິ່ງມີປະຊາກອນທັງໝົດ 9.843 ຄົນ, ຍິງ 4.348 ຄົນ, 2.268 ຄອບຄົວ, 1.522 ຫລັງຄາເຮືອນ, ຈໍານວນວິດຖ່າຍ 1.174 ໜ່ວຍ, ອັດຕາການຊົມໃຊ້ວິດຖ່າຍກວມ 100%.
ໂອກາດນີ້, ທ່ານ ໜູຄໍາ ສີສະຫວັດ ຮອງເຈົ້າເມືອງສາລະວັນ ກໍໄດ້ຍ້ອງຍໍຊົມເຊີຍຕໍ່ຜົນສໍາເລັດຕໍ່ຄະນະພັກ-ອໍານາດການປົກຄອງບ້ານ ແລະ ພໍ່ແມ່ປະຊາຊົນ ສາມາດຈັດຕັ້ງປະຕິບັດແຜນການສ້າງບ້ານສາທາລະນະສຸກແບບຢ່າງ ແລະ ຢຸດຕິການຖ່າຍຊະຊາ ຍໄດ້ສໍາເລັດຕາມຄາດໝາຍ. ພ້ອມທັງໄດ້ເນັ້ນໃຫ້ສືບຕໍ່ເອົາໃຈໃສ່ ແລະ ອໍານວຍຄວາມສະດວກ ແກ່ການຈັດຕັ້ງປະຕິບັດໃນວຽກງານດັ່ງກ່າວຫລາຍຂຶ້ນກວ່າເກົ່າ, ເປັນເຈົ້າການໃນການປຸກລະດົມ, ມີສ່ວນຮ່ວມຂອງຊຸມຊົນ, ເອົາໃຈໃສ່ຊຸກຍູ້ ແລະ ຕິດຕາມກວດກາປົກກະຕິຕໍ່ເນື່ອງ ເພື່ອໃຫ້ບ້ານສາທາລະນະສຸກແບບຢ່າງ ແລະ ຢຸດຕິການຖ່າຍຊະ ຊາຍມີຄວາມເຂັ້ມແຂງໃນດ້ານສຸຂະອະນາໄມຢ່າງມີຄຸນນະພາບ.
ຂ່າວ: ກິນດາວັນ ອ້ວນນາຄູ
Access to 5 GB of free storage space for emails and other iCloud files. There are many people who are passionate about heritage, who are strong supporters of the National Trust and invaluable contributors, and we must nurture them and give them strength.