ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ (ກົມ 509) ສັງກັດກະຊວງປ້ອງກັນຄວາມສະຫງົບ ຂໍເຊີນຊວນພໍ່ແມ່ປະຊາຊົນ, ພະນັກງານ, ທະຫານ, ຕຳຫຼວດ, ນັກຮຽນ ແລະ ນັກສຶກສາ ມາຢ້ຽມຊົມຫ້ອງວາງສະແດງຂອງກົມ ໃນງານສັບປະດາດິຈິຕ໋ອນລາວ Lao Digital Week 2026 ທີ່ສູນການຄ້າລາວ-ໄອເຕັກ (ຕຶກເກົ່າ) ໃນລະຫວ່າງວັນທີ 21–25 ຕຸລາ 2026 ແຕ່ເວລາ 09:00–17:00 ໂມງ.
ບໍລິການພິເສດພາຍໃນຫ້ອງວາງສະແດງ
ຜູ້ທີ່ມາຢ້ຽມຊົມຈະໄດ້ຮັບຄຳແນະນຳ ແລະ ການບໍລິການຈາກເຈົ້າໜ້າທີ່ ໃນດ້ານຕ່າງໆ ດັ່ງນີ້:
1. ບໍລິການເຮັດບັດປະຈຳຕົວດິຈິຕ໋ອນ
ອຳນວຍຄວາມສະດວກໃຫ້ປະຊາຊົນໃນການດຳເນີນຂັ້ນຕອນເຮັດບັດປະຈຳຕົວດິຈິຕ໋ອນ ໂດຍມີເຈົ້າໜ້າທີ່ຄອຍໃຫ້ຄຳແນະນຳຢ່າງໃກ້ຊິດ.
2. ຊ່ວຍຕິດຕັ້ງ ແລະ ລົງທະບຽນແອັບພລິເຄຊັນ LAeID
ໃຫ້ຄຳແນະນຳກ່ຽວກັບການຕິດຕັ້ງ ແລະ ລົງທະບຽນແອັບພລິເຄຊັນ LAeID ເພື່ອອຳນວຍຄວາມສະດວກໃນການນຳໃຊ້ບໍລິການຢືນຢັນຕົວຕົນທາງດິຈິຕ໋ອນ.
3. ໃຫ້ຄຳປຶກສາດ້ານສຳມະໂນຄົວ ແລະ ບັດປະຈຳຕົວ
ຜູ້ມາຢ້ຽມຊົມສາມາດສອບຖາມ ແລະ ຮັບຄຳແນະນຳກ່ຽວກັບຂັ້ນຕອນ ແລະ ເອກະສານທີ່ກ່ຽວຂ້ອງກັບວຽກງານສຳມະໂນຄົວ ແລະ ບັດປະຈຳຕົວ.
ເອກະສານທີ່ຕ້ອງກຽມມາ
ສຳລັບຜູ້ທີ່ປະສົງຈະເຮັດບັດປະຈຳຕົວດິຈິຕ໋ອນ ຄວນກຽມເອກະສານມາປະກອບມີ:
1. ບັດປະຈຳຕົວແບບເກົ່າ.
2. ປຶ້ມສຳມະໂນຄົວ ສະບັບແທ້ ຫຼື ສຳເນົາສີ.
ໝາຍເຫດ: ຄວນນຳປຶ້ມສຳມະໂນຄົວໄປນຳ ເພື່ອໃຫ້ການດຳເນີນຂັ້ນຕອນເປັນໄປຢ່າງສະດວກ.
ຂໍ້ແນະນຳກ່ຽວກັບການແຕ່ງກາຍ
ຜູ້ທີ່ຕ້ອງການເຮັດບັດປະຈຳຕົວ ແນະນຳໃຫ້ນຸ່ງເສື້ອມີຄໍ ຫຼື ເສື້ອຄໍໂປໂລ ສີໃດກໍໄດ້ ຍົກເວັ້ນສີຂາວ.
ດັ່ງນັ້ນ, ຂໍເຊີນຊວນປະຊາຊົນ ແລະ ຜູ້ສົນໃຈ ມາຢ້ຽມຊົມຫ້ອງວາງສະແດງຂອງກົມ 509 ໃນງານ Lao Digital Week 2026 ເພື່ອຮັບບໍລິການ ຮັບຄຳແນະນຳ ແລະ ຮຽນຮູ້ການນຳໃຊ້ບໍລິການດິຈິຕ໋ອນ ກ້າວສູ່ສັງຄົມດິຈິຕ໋ອນໄປພ້ອມກັນ.