ເຊກອງ ກະກຽມເປີດການທ່ອງທ່ຽວສີຂຽວ ພາຍໃນແຂວງ

ຕາມການລາຍງານຈາກ ທ່ານ ຂັນຕີ ສີລະວົງສາ ຮອງເຈົ້າແຂວງເຊກອງ ໃນວັນທີ 4 ພຶດສະພາ ຜ່ານມານີ້ວ່າ: ແຂວງເຊກອງ ກະກຽມເປີດການ ທ່ອງທ່ຽວສີຂຽວ ເນື່ອງຈາກປັດຈຸບັນ ແມ່ນມີຄວາມພ້ອມແລ້ວຈໍານວນໜຶ່ງ ເປັນຕົ້ນ ໄດ້ເປັນເຈົ້າການສູງໃນການຈັດຕັ້ງປະຕິບັດ ມາດຕະການຄວບຄຸມ, ປ້ອງກັນ ແລະ ສະກັດກັ້ນການແພ່ລະບາດ ຂອງ ພະຍາດ ໂຄວິດ-19 ໂດຍສະເພາະການສັກວັກຊິນ ໃຫ້ປະຊາກອນກຸ່ມເປົ້າໝາຍ ກວມເປີເຊັນສູງສົມຄວນ, ສະພາບການລະບາດ ຂອງພະຍາດດັ່ງກ່າວ ເຫັນວ່າມີລັກສະນະຫລຸດໜ້ອຍຖອຍລົງ ແລະ ສາມາດເປີດການທ່ອງທ່ຽວ ໃນໄລຍະທີ 2 ໄດ້ເປັນປົກກະຕິແລ້ວ.

ແຂວງ ເຊກອງ ເປັນແຂວງທີ່ມີຄວາມອຸດົມສົມບູນທາງດ້ານທຳມະຊາດ, ມີສະຖານທີ່ທ່ອງທ່ຽວຫລາຍແຫ່ງ ເປັນຕົ້ນ ສະຖານທີ່ທ່ອງທ່ຽວທາງດ້ານທຳມະຊາດ, ປະຫວັດສາດ, ວັດທະນະທຳ, ກະສິກຳ, ຫັດຖະກຳ ແລະ ອຸດສະຫະກຳ ທີ່ໄດ້ຮັບການພັດທະນາແລ້ວ, ກຳລັງພັດທະນາ ແລະ ມີແຜນຈະພັດທະນາອີກຈຳນວນໜຶ່ງ. ພ້ອມກັນນີ້, ຍັງມີຄວາມພ້ອມທາງດ້ານສະຖານທີ່ພັກເຊົາ, ກິນ-ດື່ມ ເຊັ່ນ: ໂຮງແຮມ, ເຮືອນພັກ, ຮ້ານອາຫານ, ຮ້ານກິນດື່ມ-ບັນເທີງ, ບຸກຄະລາກອນພາທ່ຽວ, ມີສິ່ງເອື້ອອໍານວຍຄວາມສະດວກທາງດ້ານພື້ນຖານໂຄງລ່າງ ເສັ້ນທາງເຂົ້າຫາແຫລ່ງທ່ອງທ່ຽວ, ມີດ່ານສາກົນ ດາກຕະອອກ-ນາມຢາງ ທີ່ເຊື່ອມຕໍ່-ເຊື່ອມຈອດກັບບັນດາແຂວງ ພາກກາງຂອງ ສສ ຫວຽດນາມ ແລະ ອອກສູ່ທະເລ ນະຄອນດານັງ, ມີໄລຍະທາງເຊື່ອມໂຍງດ້ານຕາເວັນອອກ ແລະ ຕາເວັນ ຕົກທີ່ສັ້ນທີ່ສຸດ ເພື່ອຮອງຮັບ-ດຶງດູດນັກທ່ອງທ່ຽວ ທັງພາຍໃນ ແລະ ຕ່າງປະເທດທີ່ຈະເຂົ້າມາທ່ຽວ ຢູ່ແຂວງ ເຊກອງ.

ທ່ານ ຂັນຕີ ສີລະວົງສາ ຍັງໃຫ້ຮູ້ຕື່ມວ່າ: ປັດຈຸບັນ, ທາງແຂວງໄດ້ສືບຕໍ່ສູ້ຊົນນຳສະເໜີ ຂັ້ນເທິງຕົກລົງ ເປີດການທ່ອງທ່ຽວສີຂຽວ ໃຫ້ມີຄວາມສະດວກ, ອອກວີຊາກັບດ່ານ ຫລື ການຍົກເວັ້ນວີຊາ, ພ້ອມກັນນີ້ ຍັງໄດ້ ເອົາໃຈໃສ່ຕິດຕັ້ງປ້າຍບອກທາງເຂົ້າສະຖານທີ່ທ່ອງທ່ຽວ, ພັດທະນາສະຖານທີ່ທ່ອງທ່ຽວ ໃຫ້ມີຄວາມສະອາດສວຍງາມ ແລະ ບຸກຄະລາກອນພາທ່ຽວ ໃຫ້ໄດ້ມາດຕະຖານສາກົນ.

ມາຮອດປັດຈຸບັນ, ແຂວງເຊກອງ ໄດ້ເລັ່ງການສັກວັກຊິນ ໃຫ້ປະຊາກອນກຸ່ມເປົ້າ ໝາຍ ເຊິ່ງສັກເຂັມໜຶ່ງເທົ່າກັບ 82%, ສັກເຂັມ 2 ເທົ່າກັບ 66.5%, ສັກເຂັມ 3 ເທົ່າກັບ 21% ແລະ ສັກເຂັມ 4 ເທົ່າກັບ 0.4% ຂອງປະຊາກອນທົ່ວແຂວງ.

ຂໍ້ມູນຂ່າວ: ພຸດທະສອນ

Your company decided to implement the assessment given the difficulty in hiring for the particular positions, the very beneficial validity of the assessment and your failed attempts to find alternative instruments with less adverse impact However, your company will continue efforts to find ways of reducing the adverse impact of the system. Arranged By - Romano Musumarra English: I do not own this song or attempting to make any monetary funds from it.