ໃນຕອນເຊົ້າຂອງວັນທີ 31 ເດືອນພືດສະພາ ປີ 2022 ນີ້, ທ່ານ ນາງ ຈັນຄຳ ທໍຄຳເໝົາ ກຳມະການປະຈຳພັກເມືອງ ຫົວໜ້າຄະນະຈັດຕັ້ງເມືອງ ຜູ້ຊີ້ນຳຂົງເຂດວັດທະນະທຳ -ສັງຄົມ, ທ່ານ ໜານລື ພູມມະຈັນ ຮອງຫົວໜ້າຫ້ອງການແຮງງານ ແລະ ສະຫວັດດີການສັງຄົມເມືອງ, ພ້ອມດ້ວຍທີມງານ, ໄດ້ລົງມອບເຄຶ່ອງຊ່ວຍເຫຼືອ ໃຫ້ແກ່ຄອບຄົວຂອງທ່ານ ອາຊືໃຫຍ່ ປະຊາຊົນບ້ານຫຼັງຜາ ທີ່ໄດ້ຮັບຜົນກະທົບຈາກໄຟໄໝ້ເຮືອນ, ໂດຍມີອຳນາດການປົກຄອງບ້ານ ຕະຫຼອດຮອດປະຊາຊົນພາຍໃນບ້ານດັ່ງກ່າວ ເຂົ້າຮ່ວມ.
ຕາມການໃຫ້ຂໍ້ມູນຂອງເຈົ້າໜ້າທີ ປກສ ເມືອງໃນເບື້ອງຕົ້ນໄດ້ໃຫ້ຮູ້ວ່າ: ສາເຫດຂອງການເກີດໄຟໄໝ້ເຮືອນໃນຄັ້ງນີ້, ແມ່ນຍ້ອນເກີດຈາກໄຟຟ້າລັດວົງຈອນຢູ່ພາຍໃນເຮືອນ, ໃນເວລາ 18 ໂມງຂອງວັນທີ 30 ເດືອນພືດສະພາ ປີ 2022 ນີ້, ສຳລັບຜົນເສຍຫາຍຈາກເຫດການໄຟໄໝ້ຄັ້ງນີ້, ປະກອບມີເຮືອນໃຫຍ່ 1 ຫຼັງ, ເຮືອນຄົວ 1 ຫຼັງ, ໄມ້ລ່ຽມ 2 ຄີວ, ເຄື່ອງຈັກລົດຈັກ 15 ເຄື່ອງ, ຈັກກົບໄມ້ 3 ເຄື່ອງ, ຈັກຕັດຫຍ້າ 3 ເຄື່ອງ, ຈັກຊ່ອຍໄມ້ 1 ເຄື່ອງ, ຕູ້ຈອດເຫຼັກ 1 ໜ່ວຍ, ຕູ້ເຢັນ 1 ໜ່ວຍ, ຕູ້ໂຊ 1 ໜ່ວຍ, ອຸປະກອນເຝີນິເຈີ, ເງິນກີບ, ເງີນຢວນ, ເຄື່່ອງໃຊ້ພາຍໃນຄົວເຮືອນ ແລະ ເຄື່ອງນຸ່ງຫົ່ມຢູ່ພາຍໃນເຮືອນ ໄດ້ຖືກໄຟໄໝ້ຢ່າງໝົດກ້ຽງ, ລວມມູນຄ່າຜົນເສຍຫາຍ ຈໍານວນ 417 ລ້ານ ກວ່າກີບ.
ໂອກາດດຽວກັນນີ້, ກໍໄດ້ມອບເຄື່ອງຊ່ວຍເຫຼືອບັນເທົາທຸກໃນເບື້ອງຕົ້ນ ໃຫ້ແກ່ຄອບຄົວຂອງທ່ານ ອາຊືໃຫຍ່ ເຊີງປະກອບມີ ເຂົ້າສານ 30 ກີໂລ, ຜ້າຫົ່ມ 10 ຜືນ, ເຄື່ອງນຸ່ງຫົມ 10 ຊຸດ, ເກີບຜ້າ 7 ຄູ່, ຄຸ 1 ໜ່ວຍ, ບ່ວງ 1 ກັບ, ໝໍ້ຫນຶ້ງ 1 ໜ່ວຍ, ໝໍ້ແກງ 1 ໜ່ວຍ, ໝີ່ໄວໆ ຈໍານວນ 2 ແກັດ ແລະ ເຄື່ອງໃຊ້ທີ່ຈໍາເປັນອີກຈໍານວນໜືງ ລວມມູນຄ່າທັງໝົດປະມານ 3,200,000 ກີບ ກ່າວມອບໂດຍທ່ານ ນາງ ຈັນຄຳ ທໍຄຳເໝົາ ກຳມະການປະຈຳພັກເມືອງ ຫົວໜ້າຄະນະຈະຕັ້ງເມືອງ ໂດຍຊ້ອງໜ້າກັບຜູ້ເຂົ້າຮ່ວມເປັນສັກຂີ່ພິຍານ, ທັງນີ້, ກໍ່ເພື່ອເປັນການບັນເທົາທຸກ ໃຫ້ແກ່ຄອບຄົວຂອງທ່ານ ອາຊືໃຫຍ່ ທັັງເປັກການໃຫ້ກໍາລັງໃຈໃນການສືບຕໍ່ພັດທະນາເສດຖະກີດຄອບຄົວໃຫ້ດີຂື້ນເທື່ອລະກ້າວ.
( ຂ່າວ: ຄໍາອ່ອນ ແສງອຸ່ນ ນັກຂ່າວ ເມືອງລອງ ແຂວງຫຼວງນໍ້າທາ)
He was immediately invited to become the teacher at the Boston church, but he refused the invitation on the grounds that the congregation had not separated from the Church of England.